"Animal sira hatudu klamar ida i ita ema tengke hadomi no sente solidaridade ba ita nia maluk kiik oan ida ne'e."
Amo Papa Joao Paulo II nia liafuan

Saturday 9 April 2011

Oinsa Ita Bele Ajuda TOHA?




Iha dalan oin–oin ne’ebe ita bele liu no oferese ita ninia suporta ba TOHA:
 
- Halo doasaun finansieru 

- Adopsaun ba animal nebe mak ami salva

- Kontribui no suporta hahan ba animal sira

- Fo kontribusaun sasan hanesan ai moruk no ekipamentu veterinario nian:  hahan fatin, sasan toba nian, luhan ka kontainer, solar elektrisidade nian, ekipamentu ba animal, produtu sira hanesan shampoo, tratamento ba parasita nian no seluk tan

- Fo ita nia tempo/horas hamutuk ho animal sira – hamoos, fo hari’is, sosializasaun, no seluk tan

- Ajuda halao no dezenvolve asosiasaun TOHA, nudar membru komite i fo asistensia iha administrasaun nian. Ami mos persija tulun iha parte tradusaun English-Tetum. 

- Organisa eventu "fundraising" ida

- Ami persija mos tulun tekniko no finanseiro iha nivel aas husi doadores, ONG nomos Governo, hodi  
haluan fatin ba animal nomos maneja edefisio TOHA nian ho staf permanente

- Ajuda ami atu dezenvolve no halao kampanha edukasaun, aksaun saude veterinaria iha luron, workshop kona ba kuidadu animal,  nomos programa anti-kruelidade ba grupu foin sae sira

- Asiste TOHA ho apoiu ba dezenvolvimento nomos promosaun industria pekuaria, ho tratamentu nebe diak ba animal sira

- Fo tulun konselhu iha parte preparasaun nomos haforsa legislasaun anti-kruelidade

- Oferese treinamento veterinario nomos para-veterinario ba Timor oan sira

Ita hakarak fo tulun ba TOHA? Ita laiha osan? Ita laiha tempu? Ita hotu-hotu bele ajuda ami ho fahe hanoin no loke dialogu liu husi Facebook no hato'o ba ita nia kolega sira!  

Favor kontakto ami se ita persija informasaun klean liu kona ba buat hirak ne’e hotu.
Ita bele "gosta" ami nia Facebook "page"  TOHA (Timoroan Hadomi Animal—Timorese Animal Lovers):

Ka tuir ami iha Twitter: @tohatimor
Ka email ami iha: tohatimor@gmail.com

Telefone: Dr Antonino do Karmo +670-7233792

Visita ami nia fatin ba animal (favor kontacto  Dr Antonino do Karmo atu halo apontamento) iha Rai Kotu, besik Tasitolu, Dili.