Timor Oan Hadomi Animal (TOHA) hanesan organizasaun laho-profitu ne’ebe fό protesaun no tau-matan ba balada sira iha Timor-Leste.
Mahon ba balada sira no klinika Vet iha DIli iha fatin organizasaun TOHA.Mahon ne’e ki’ik hela maibe simu ona balada sira ne’ebe hetan tulun, fo sira kuidadu veterinaria no oferese hela fatin to’o sira fila uma. Ami hein atu haboot fasilidade iha future.
TOHA servisu hamutuk ho publiku iha Timor hodi tau-matan ba kondisaun balada sira iha rai ne’e no atu fasilita apoio veterinaria, sekarik presiza. Ami fiar katak, liu husi aktividade TOHA, Timor-oan hotu sei iha prespetiva umanidade hodi tau-matan ba balada sira, karik balada domestiku ka balada bain bain ba sira nia moris.
TOHA nia objetivu maka atu involve ema barak, hala’o knar nudar pontu kontaktu ba inisiativa sira hodi kria ambiente ne’ebe di’ak ba balada sira iha rai ne’e. Ami sei halao servisu iha nivel lokal no nasional liu husi edukasaun publiku, programa treinamentu, kampaña husi uma ba uma, tratamentu balada ida –idak, distribuisaun ai-moruk no konsultasaun intensivu.
TOHA komposta husi doutor vetereinaria sira no lori ema sira seluk ne’ebe iha dedikasaun hodi hadia vida balada – nune’e umanu- vida moris iha Timor-Leste. Membru loke ba ema hotu.Orgnanizasaun hetan fundu husi kontribuisaun voluntaria, doador/apoio governmental no apoio korporativo no nia aktividade hala’o ho voluntariou sira ne’ebe lahetan selu.
Ami-nia Misaun
Asuntu balada nia moris hetan atensaun uitoan liu husi publiku iha rai ne’e.Produsaun no kualidade balada ba moris importante ba ekonomia no ba kuaze sidadaun tomak Timor-Leste nian.Balada nia saude iha ligasaun besik ho saude publiku, maske TOHA nia servisu hodi prevene tratamentu a’at hasoru balada sira sei iha impaktu positivo ba kultura no social.
TOHA nia aktividade sei kobre vida moris balada sira iha area sira tuir mai ne’e:
Edukasaun Publiku: balada ba vida moris (livestock husbandry) no prevensaun nomos tratamentu a’at hasoru balada ho tratamentu vetereinaria no kuidade preventativa ba balada sira, rehabilitasaun no fo kontrola um aba balada domestiku, prevensaun balada - infeksaun moras daet ba umanu, mudansa social positivo liu husi muda atituse ba kruelidade – servisu hamutuk ho fin sae sira – promove balada ba moris ba timor oan nudar fonte importante ba rai ne’e nia ekonomia – servisu ba esbosu no reforsa lejislasaun atu prevene tratamentu aat hasoru balada sira.
Mahon ba balada sira
Balada balun ne’ebe ami hasoru hetan tratamentu aat tebes, hanesan TOHA, asu ida nia naran ne’ebe sai naran ba ami-nia organizasaun, ne’ebe hetan tulun husi restorante na’an asu iha ne’ebe nia hetan kanek todan iha nia ain rua hotu ne’ebe tenke hetan amputasaun.
Nia hetan tulun hanesan kadeira roda no hanesan ami nia mascot, ajuda grupo TOHA iha nia misaun atu habelar informasaun kona ba problema kruelidade ka violensia ba animal sira.
Dr Antonino do Karmo MVS fornese servisu veterinaria iha nia Klinika Veterinaria Dili, ho eqipamentu teatro operasaun, inklui (neutering ka kappa) no vasinasaun ba balada sira hotu iha mahon ne’e. To’a balada sira hetan rehabilitasaun, sira oferese ba adopsaun ka hakiak ba ema sira ne’ebe iha komitmentu atu fo kuidadu ba sira ho permanente.
